MEDIAT GREKE: JA KUSH ËSHTË PERSONI QË U VRA NË RINAS

0
342

Personi që u ekzekutua me armë zjarri nga policia gjatë shkëmbimit të zjarrit pas super grabitjes së 10 milionë eurove mesditën e djeshme në aeroportin e Rinasit është Admir Murataj.
Fillimisht identiteti u zbulua nga mediat greke, ndërsa konfirmohet nga autoritetet shqiptare për Report Tv nga gazetari Arsen Rusta. Admir Murataj, që u ekzekutua 2 km nga Rinasi pas marrjes së 10 milionë eurove ka qenë organizatori i grabitjes në mes të ditës në orën 15:00 brenda perimetrit të sigurisë së aeroportit.

Report Tv siguroi pamjet e grabitësit që u vra, Murataj, teksa kishte vendosur në kokë një maskë silikoni, që të mos identifikohej duke u shfaqur si tullac. Ai duket duke drejtuar operacionin e grabitjes së 10 milionë eurove pranë avionit, por u ekzekutua pas shkëmbimit të zjarrit rreth 2 km larg aeroportit të Rinasit.
Momenti i vrasjes
Admir Murataj ka qenë njeriu që në ikje e sipër ka bërë rezistencë me armë ndaj policisë, e cila i ishte vënë nga pas. Ndërkohë grabitësi qëllonte anëtarët e tjerë kanë zbritur thasët me para nga makina dhe kanë ndarë çantat, duke u larguar më pas. Por shoku i tyre ka vijuar të rezistojë me armë, duke tentuar të mbajë larg efektivët e policisë, por është qëlluar me një plumb në kokë duke mbetur i vdekur në vend.
Por kush është Admir Murataj?
Ai ishte në kërkim prej më shumë se dy vitesh si organizator edhe i tre grabitjeve të tjera të blindave me para të bankave në Rinas, dy në 2015 dhe një në 2017, teksa anëtarët e tjerë të grupit u dënuan pak ditë më parë nga Gjykata e Krimeve të Rënda në Tiranë.
Admir Murataj në vitin 2013 u arratis nga burgu i Trikallas në Greqi, ndërsa kërkohej nga drejtësia e vendit fqinj për disa akuza nga vrasje, grabitje, por edhe plagosje. Sipas dosjes greke, Murataj kishte përdorur 15 emra të ndryshëm, ndërsa pas arrestimit arriti që të arratiset.
Por pas arratisjes nga burgu dhe njohjes me Dash Kupën ai kreu grabitjet spektakolare te blindave me para në 2015 dhe 2017 në Rinas. Ndërkohë që anëtarët e tjerë të grupit u arrestuan dhe u dënuan, Murataj arriti që jo vetëm ti shpëtonte burgut, por edhe të organizonte grabitjen e radhës më të madhen që ka ndodhur ndonjëherë në Shqipëri duke marrë 10 milionë euro.

LEAVE A REPLY

Please enter your comment!
Please enter your name here