Sporti shqiptar shkëlqeu sërish në një event ndërkombëtar falë paraqitjes impresionuese të Luiza Gegës.

Atletja kuqezi ishte protagoniste e një gare pozitive në Olimpiashtadion në Berlin, ku mori vendin e tretë në një përballje të fortë ku nuk kishte provuar më parë, në atë të 2 mijë metrave.

Gara e 2 mijë metrave u fitua nga atletja e shtëpisë Gesa Felisitas Krauze e cila shpërtheu në entuziazëm për vendosjen gjithashtu të rekordit të ri botëror.

Ndërkohë atletja shqiptare Luiza Gega me performancën e saj vendosi rekord kombëtar, dhe njëherësh sjell një medalje bronzi për Shqipërinë.

Ky është një tjetër sukses për sportisten e skuadrës së Tiranës, pas triumfit në Ligën e Atletikës në Shkup para pak ditësh.