Dy gafat e rënda në ndeshjen Francë-Shqipëri, a do të gjobitet Franca?

0
199

Ndeshja mes Francës dhe Shqipërisë e vlefshme për kualifikueset e Euro 2020, nisi me një ndodhi të papritur.

Regjia e stadiumit “Stade de France”, bëri një gabim të rëndë. Në vend që të vendoste himnin tonë kombëtar, luajti atë të Andorrës, ekip me të cilin Franca do të përballet pak ditë më pas po në shtëpi. Ndërkohë, gjatë kohës që po kërkohej himni ynë kombëtar, një zëdhënës i stadiumit foli në mikrofon, duke bërë një tjetër gafë të rëndë.

“Himni i Armenisë do të vihet së shpejti”, tha zëdhënësi i stadiumit në mikrofon, duke shkaktuar përsëri rritim të tifozëve shqiptar, shkruan prestigjiozja franceze L`Equipe.

Ndërkohë, pak para se të këndohej himni, është kërkuar falje për gabimin e bërë nga Federata Franceze e Futbollit. Megjithatë, kjo nuk e shpëton Francën nga të paktën një gjobë nga UEFA për dështim të përmbushjes së organizimit të ndeshjes.

LEAVE A REPLY

Please enter your comment!
Please enter your name here