“Aman një puthje se vdiqa.” I kërkoi favore intime studentes, Krimet e Rënda lënë në burg pedagogun e Elbasanit

0
96

Gjykata e Krimeve të Rënda ka vendosur masën e sigurisë “arrest me burg” për pedagogun e Elbasanit, Denis Himçi. Pedagogu Himçi u kap në një video të fshehtë ndërsa i kërkonte puthje e favore një studenteje 20-vjeçare në këmbim të ndihmës për notë kaluese në disa lëndë.

U përfshinë dhe disa pedagogë të tjerë të këtij universitetit, për disa prej të cilëve ka nisur dhe hetimi nga ana e prokurorisë.

Ai u arrestua nga blutë e qytetit të Elbasanit, ndërsa Universiteti i Elbasanit vendosi pezullimin e tij nga detyra deri në sqarimin e plotë të ngjarjes.

Burimet thanë se pedagogu kaloi dhe gjendje shoku pas arrestimit ndërsa u dërgua me urgjencë në QSUT, Tiranë për të marrë ndihmën e nevojshme mjekësore. Sot Gjykata e Krimeve të Rënda, të cilës i ka kaluar dosja e Denis Himçit vendosi lënien e tij në burg deri në përfundimin e hetimeve dhe dërgimin e tij para togave të zeza.

LEAVE A REPLY

Please enter your comment!
Please enter your name here