Vetëm pak ditë larg ndryshimit të orës, zbuloni se kush do të jenë përfitimet dhe problematikat

0
107

Të dielën akrepat e orës shkojnë 60 minuta prapa e kjo tregon se do mbyllemi në shtëpi më herët dhe se nata do jetë më e gjatë. Ndërrimi i orës bëhet në orën 3 mes të shtunës 26 tetor dhe 27 tetor duke u gdhirë e diela.

Fitojmë një orë më shumë gjumë, por errësohet më shpejt. Ky ndryshim nuk kalon pa patur efekte në organizmin tonë dhe mund të sjellë ndonjë shqetësim.

Parlamenti europian në marsin e shkuar votoi në favor të mos ndryshimit më të orës stinore. Ora diellore do jetë në fuqi deri në 29 mars të 2020, më pas gjithçka do varet nga vendimi i secilit shtet, anëtar të BE-së.

Sipas PE, vendet që vendosin të mbajnë orën legale duhet të rregullojnë orët për herë të fundit të dielën e fundit të marsit të 2021-shit, ndërsa ata që preferojnë të mbajnë orën diellore, duhet të spostojnë orët për herë të fundit të dielën e fundit të tetorit 2021.

Sipas Vincenza Castronovo, psikologe psikoterapeute dhe eksperte pranë Qendrës Mjekësore të Gjumit në spitalin San Raffaele të Milanos, “shumë njerëz kanë vështirësi në ambjentimin e menjëhershëm të ndryshimit të orarit. Edhe pse bëhet fjalë vetëm për një orë ndyrshim, fiziku i disa personave kërkon disa ditë deri në ambjentim, madje deri në një javë”.

Gjithçka varet, shpjegon psikologia, nga ora jonë biologjike, e lidhur me ritmet e qarkullitmit, të cilët gjenden në vështirësi kur ka ndryshime të papritura si ato të provokuara nga kalimi i orës nga verore në atë dimërore.

Simptomat më të zakonshme janë lodhja, irritimi, humbja e përqendrimit dhe produktiviteti në punë, marrje mendsh dhe mungesa e oreksit.

Gjithsesi bëhet fjalë për simptoma që nuk kërkojnë ilaçe. Mund të jetë e dobishme të stërvisni mendjen ndaj ndryshimit të orarit. Për shembull, me rikthimin e orës diellore, nuk ka nevojë për të ndërhyrë në orarin e zgjimit, duke qenë se me akrepat pas do flemë një orë më shumë, por mund të shtyjmë gradualisht me një çerek ore oraret e vakteve dhe momentin kur shkojmë për të fjetur.

Në shtëpi duhet të përpiqemi të ndriçojmë më mirë ambjentet me dritë artificial, për të mësuar organizmin se ende nuk është koha për të fjetur. Më mirë të mos biem në letargjinë e ditëve të para dhe të mos e afrojmë shumë momentin kur biem të flemë për të evituar një zgjim shumë herët në mëngjes.

Rikthimi në orën diellore mund të jetë një moment i mirë për të nisur disa zakone të mira të lidhura me ritmin e gjumit. Normat bazë të higjenës së pushimit janë natën.

LEAVE A REPLY

Please enter your comment!
Please enter your name here