Rregulla të reja nga 18 Maji, hapen muzetë dhe stërvitjet sportive

0
140

Pas 18 Majit adhuruesit e historisë dhe artit do të kenë mundësi të vizitojnë muzetë dhe galeritë ndërsa të sportistët do të mund të kapin formën fizike.

Lajmin e bëri të ditur Ministrja e Shëndetësisë Ogerta Manastirliu gjatë një komunikimi në Facebook.

“Prej dates 18 Maj planifikohet të hapen nën rregulla rigoroze, muzetë, galeritë e arteve dhe sitet arkeologjike sipas protokolleve dhe udhëzimeve të miratuara. Nga data 18 Maj do të lejohen me protokolle dhe masa sigurie dhe stërvitjet individuale të sportistëve në ambjente të hapura”, tha ministrja.

Manastirliu shtoi se pas kësaj date do të nisë hapja e aktiviteteve në disa sektorë si shkolla, bare, restorante madje dhe do të ketë një rritje të riatdhesimeve ndërsa karantinimi do të bëhet në shtëpi.

“Në vijim të Planit të rihapjes, nëse do të vijojmë të kemi tregues të qëndrueshëm, sa i përket rasteve aktive ditore, numrit të shtruarve në spitale, pacientëve në terapi intensive, kemi planifikuar që prej datës 18 Maj. Do të fillojë zhvillimi i procesit mësimor dhe provimeve të maturës shtetërore sipas udhëzimeve dhe protokolleve të miratuara nga Ministria e  Shëndetësise. Po në këtë datë planifikojmë të hapen njësitë e shërbimit, bare dhe restorante vetëm në ambjentet e jashtme deri në orën 17:30. Duke filluar nga data 18 Maj shtohen fluturimet e riatdhesimit, me detyrimin për vetekarantiim në banesë”, shtoi Manastriliu.

Megjithatë ministrja nënvizoi se do të mbeten të mbyllura  edhe pas 18 Majit “aktivitetet kulturore dhe sportive në ambientet e hapura dhe të mbyllura”

“Po kështu do të vijojë të mbetet në fuqi ndalimi i grumbullimeve me shumë se pesë personave në ambientet publike si dhe do të mbetet I mbyllur dhe transporti publik”, tha ajo. /Opinion.al

LEAVE A REPLY

Please enter your comment!
Please enter your name here