“Shkoj apo jo në Dibër, kjo ka pak rëndësi”, Beqaj bën autogol në Kuvend, merr meritat dhe për Covidin

0
87

Deputeti socialist, Ilir Beqaj, ka befasur me një deklaratë të tij, teksa iu përgjigj akuzave të kolegëve opozitarë në Kuvend, të cilët thanë se ai nuk shkonte asnjëherë në zonën e tij elektorale, duke i braktisur zgjedhësit.

Beqaj tha se është me fat që është deputet i Qarkut të Dibrës dhe nuk ka fare rëndësi nëse shkon apo jo atje, ndërsa shtois e rëndësishme është që Dibra është më pak e prekur nga pandemia e koronavirusit, edhe pse duhet thënë se në këtë pikë vetë ai nuk ka asnjë lloj merite.

“Kam fatin e madh të jem deputeti i Qarkut të Dibrës, në një kohë kur pas 30 vitesh po ndërtohet rruga e Arbërit, duke e bërë këtë një realitet të ri. Shkoj apo jo në Dibër, ka shumë pak rëndësi. Rëndësi ka që sot Qarku i Dibrës është më pak i prekur nga pandemia e kòronavirusit. këtu askush nuk vjen me emër individual. Këtu ka 30 vjet parlamentarizëm dhe unë kam eksperiencën time modeste me 10 vjet”, tha Beqaj.

Më herët ish-ministri propozoi uljen e pagave për përballimin e krizës së shkaktuar nga pandemia, deklaratë që shkaktoi mjaft de.bat, dhe që nga e cila u distancuan dhe vetë socialistët. (E.K/Faxweb.al)

LEAVE A REPLY

Please enter your comment!
Please enter your name here