Rikthimi i kazinove, deputeti i PS: Duhen për ekonominë dhe turizmin!

0
33

Vendimi i qeverisë për të rikthyer kazinotë në kryeqytet, nuk u publikua në faqen zyrtare të kryeministrisë, por ai u botua disa ditë më vonë në Fletoren Zyrtare.

Për këtë vendim, shumica e deputetëve socialistë nuk kanë informacion dhe i shmangen pyetjes.

“Ditën e hënë filloj mbledhjen e Komisionit të ligjeve dhe mbarë e mirë na shkoftë të gjithëve”, thotë Ulsi Manja.

Ermonela Felaj ndërron rrugë për të mos u përballur me pyetjen, ndërsa deputeti Ardit Konomi i ka marrë detajet në radio teksa vinte prej Korce.

“Kam dëgjuar vetëm pak në mëngjes rrugës në makinë, me këtë rikthim të pjesshëm jam dakord”, thotë Konomi.

Dritan Bici, i anëtarësuar në PS e sheh vendimin vetëm nga pikëpamja personale.

“Nuk i kam patur qejf asnjëherë dhe nuk mund të japë dot mendim sepse duke qenë as në rolin e lojtarit as në rolin e vuajtësit të këtyre gjërave skam çfarë të them. Nuk jam në dijeni të rikthimit të tyre”, thotë Bici.

I vetmi mes socialistëve që e ka një argument mbështetës për vendimin e qeverisë, është Ervin Bushati.

“Ne kemi marrë një iniciativë shumë të mirë përpara disa vitesh dhe kemi prop0ozuar një ligj e cila ka larguar të gjithë lojërat e fatit të cilat ishin kthyer në problem të shoqërisë shqiptare. Ligji është shumë i mirë. Ne nuk mund të mohojmë realitetin dhe kanë nevojë për të ndihmuar ekonominë dhe turizmin, sic e kanë edhe vendet e tjera dhe është e parashikuar në ligj që mund të kemi kazino. Nuk jam inxhinier apo urbanist që të flas më tej”, u shpreh deputeti.

Një pjesë e deputetëve opozitarë nuk duan të përzihen në këtë çështje.

Disa nga opozitarët e lidhin vendimin me interesa klienteliste dhe elektorale.

Vendimi i qeverisë për të mbyllur kazinotë u mor dy vjet më parë./abcnews.al

LEAVE A REPLY

Please enter your comment!
Please enter your name here