Rita Orën e përndjek fati i keq! Këngëtarja bllokohet në Bullgari, rrezikon të festojë Krishtlindjen e vetme

0
29

Rita Ora rrezikon të ngelet në Bullgari për Krishtlindje, pasi vendosi të fluturonte drejt këtij shteti për të xhiruar videoklipin e saj. Për shkak të mutacionit të ri të koronavirusit, pjesa më e madhe e vendeve të Europës kanë vendosur të bllokojnë fluturimet me Britaninë e Madhe. Konkretisht qeveria bullgare ka shtyrë gjithë fluturimet deri në 31 janar 2021 dhe për këtë arsye Rita ka mbetur e bllokuar.

Sipas The Sun Rita mendoi që ta xhironte në Bullgari këngën e re, sepse nuk dëshironte të tërhiqte vëmendjen. Mirëpo ky vendim nuk ishte i duhuri për të, sepse tashmë nuk dihet se kur do të ketë mundësinë që të rikthehet sërish në Britaninë e Madhe.

Rita u largua drejt Bullgarisë pas incidentit të ditëlindjes për të marrë kohë dhe reflektuar për gjithçka dhe të punonte për videoklipin. Por gjërat kanë ndryshuar shumë shpejt dhe ajo rrezikon që të mbetet aty dhe një Zot e di se për sa kohë. Ky është fundi më i keq pas disa muajsh të mbushur me makthe“, ka thënë një burim pranë Ritës.

Këngëtarja ka qenë në qendër të vëmendjes mediatike këto kohë, për shkak se theu rregullat anti-Covid. Këngëtarja organizoi 30-vjetorin me disa miq të saj në një restorant dhe udhëtoi drejt Egjiptit e nuk bëri asnjë ditë karantinë. Kjo gjë i mërziti gjithë fansat e saj, ndaj u detyrua t’ju kërkonte publikisht falje.

Përveç kësaj këngëtarja mori edhe një gjobë prej 10 mijë paund për shkak të organizimit të ditëlindjes, ndërkohë që hetimet vazhdojnë ende për të.

LEAVE A REPLY

Please enter your comment!
Please enter your name here