Spiropali e cilësoi si ‘Bardh Ziu’, ish-ministri i përgjigjet ‘dhëmb për dhëmb’: Ke të drejtë që nervozohesh, SPAK ka punë me ty

0
46

Sekretari i Përgjithshëm në Partinë Demokratike, Gazmend Bardhi, përmes një postimi në facebook i është përgjigjur ministres socialiste Elisa Spiropali për qëndrimin e ashpër që ajo mbajti ndaj denoncimit të krerëve të PS-së në SPAK. Duke e cilësuar Bardhin si ‘Bardh Ziu’, Spiropali u shpreh se PD kallëzoi eksponentët më të lartë të Partisë Socialiste se takojnë njerëz gjatë fushatës, në një kohë kur Lulzim Basha është në gjum dhe pret që njerëzit të shkojnë tek ai.

Në përgjigjen e tij Bardhi shprehet se Spiropali e ka të drejtë të nervozohet pasi SPAK ka punë me të përpara zgjedhjeve.

Postimi i plotë: Dështimi i Edi Ramës në 8 vite dhe humbja e pushtetit është arsyeja e nervozizmit të Elisa Spiropalit!

Ka të drejtë që nervozohet! SPAK ka punë me të PARA dhe PAS ZGJEDHJEVE TË 25 PRILLIT. Elisa Spiropali, Edi Rama dhe çeta e tij janë në shkelje të ligjit. Ata do të japin llogari për thirrjen me dhunë të administratës në takimet e PS, përdorimin e lejeve të legalizimit apo procesit të rindërtimit për qëllime elektorale, si dhe për abuzimin me pushtetin dhe paratë që u kanë vjedhur shqiptarëve këto 8 vjet.

Elisa Spiropali e di se gjuha e padenjë në facebook dhe hetimi nga SPAK janë dy gjëra të ndryshme, prandaj është nervoze.

Kjo kohë e vështirë i ka bindur shqiptarët se politikanë si Edi Rama apo Elisa Spiropali mendojnë vetëm për vete, duke vrarë shpresën dhe mundësitë për shqiptarët. Kjo është arsyeja pse të rinjtë braktisin vendin, pse ekonomia është në krizë, pse shëndetësia është në kolaps, pse numri i të papaunëve është rritur. Njerëzit nuk duan të jetojnë në një kënetë, ku mbyten nga pak çdo ditë. Njerëzit duan ndryshim dhe PD është gati për ndryshimin!

LEAVE A REPLY

Please enter your comment!
Please enter your name here