E quajti aktor të mbivlerësuar, Rezarti sqaron deklaratën për Gaz Pajën

0
66

Rezart Veleshnja dhe Visjan Ukcenaj u ulën përballë njëri-tjetrit në sfidën “Shiko kush përgjigjet” në “Shiko kush luan”. Në mes të pyetjeve drejtuar dy aktorëve nuk munguan ato se cili është aktori më i nënvlerësuar dhe më i mbivlerësuar. Të dya ata ranë dakord se Niko Kanxheri është aktori më i nënvlerësuar dhe u shprehën se ai ka qenë mësuesi i tyre në Akademinë e Arteve dhe fatkeqësisht nuk njihet shumë nga të rinjtë.

Ndërkohë për sa i përket emrit të aktorit të mbivlerësuar, Rezarti nuk u rezervua aspak për t’u përgjigjur madje i habiti të gjithë me emrin që shprehu. Ai tha se Gaz Paja, që është edhe kolegu i tij në Portokalli, është i mbivlerësuar. Këtë përzgjedhje ai e shpjegoi me faktin se Gazi është bërë pjesë e politikës, që gjithmonë paguan shumë për t’i bërë artistët pjesë të saj dhe për të pastruar emrin në këtë mënyrë.

“Gaz Pajën e mbivlerësojnë se është pjesë e politikës. Politika ka pasur gjithmonë emër të pistë dhe e pastrojnë me emra të artit dhe me këtë rast e mbivlerëosjnë se duhet ta paguajnë”, u shpreh Rezarti.

Deklarata e tij bëri xhiron e rrjetit dhe Rezarti është shprehur se është keqinterpretuar, ndaj ka bërë edhe një shpjegim në llogarinë e tij në Instagram.

“Mbivlerësim nuk do të thotë monetar apo artistik! Unë e kuptoj që ju ushqeheni me lajme që i riprodhoni si të doni vetë, por ajo që thashë për Gazin s’është as partiake dhe as monetare! Sa mirë një pjesë e shoqërisë intelektuale e ka kuptuar siç ishte! Gaz Paja lëri të delirojnë!”, shkruan ai.

LEAVE A REPLY

Please enter your comment!
Please enter your name here