Merrini mirë masat! Temperaturat do të shkojnë deri në -17 gradë, i gjithë vendi nën pushtetin e akullit

0
31

Vendi ynë sot do të mbizotërohet nga alternime kthjellimesh dhe vranësirash duke sjellë një mot të qëndrueshëm por shumë të ftohtë.

Sipas Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga -17°C në -5°C, në zonat e ulëta nga -7ºC në 03°C dhe në zonat bregdetare nga -3°C në 05°C. Era do të fryjë në drejtim Verilindor ndërsa forca e valëzimit në det do të jetë 5 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot të qëndrueshëm në të gjithë territorin, por që herë pas here do të ketë dhe reshje bore. Temperaturat do të pësojnë një rënie të ndjeshme ku do të variojnë: në zonat malore nga -13°C në -4°C dhe në zonat e ulëta nga -10°C në -1°C.

Si pasojë e motit të keq gjatë ditës së djeshme u shfaqën probleme me qarkullimin e mjeteve në të gjithë vendin, ndërkohë që qindra qytetarë mbetën të bllokuar për më shumë se 8 orë në doganën e Qafë Thanës.

Policia iu rekomandoi të gjithë drejtuesve të mjeteve që të lëviznin të pajisur me zinxhirë, ndërkohë që pati edhe masa administrative për të gjithë ata që nuk ishin të pajisur me gomat dimërore.

(E.K/Faxweb.al)

LEAVE A REPLY

Please enter your comment!
Please enter your name here