Histori frymëzuese, u dashuruan që fëmijë, çifti mposhtën COVID-19 së bashku dhe festojnë 73 vjet martesë

0
50

Një histori aq sa e bukur, emocionuese dhe frymëzuese u transmetua në emisionin ‘Dua të të bëj të lumtur’ transmetuar në Top Channel.

Kola ndau me publikun historinë e dashurisë me Mrikën, gruas së tij me të cilën ka lidhur jetën puthajse që fëmijë. Ata ishin njohur kur Kola ka qenë 4 vjeç, në shtëpinë e disa kushërinjve të tij, por me kalimin e kohës gjatë njohjes ata kishin rënë në dashuri.

Familjet e tyre e kishin kuptuar këtë dashuri dhe ishin dakord që ti lidhnin në martesë, mirëpo ligjërisht nuk mundeshin sepse Kola ishte ende i mitur dhe 4 vite më i vogël se Mrika. Pas shumë vështirësive, Mrika dhe Kola arritën të krijonin familjen e tyre dhe të sillnin në jetë 8 fëmijë.

Kola kishte thirr Mrikën në programin ‘Dua të të bëj të lumtur’ pë ta falenderuar për dashurinë dhe familjen që i ka dhuruar por edhe për të festuar 73-vjetorin e martesës së tyre.

”Pasqyra e një burri është gruaja dhe lumturia e fëmijëve janë dy prindërit. Të falënderoj për familjen që kemi krijuar dhe për përkujdesjen që u ke dhënë fëmijëve”.-u shpreh Kola.

Mrika nrrëfeu se Kola kishte qenë një mbështetje e madhe në rritjen e fëmijëve dhe se e ka dashur gjithmonë përgjatë gjithë këtyre viteve. Ajo tregoi se diferenca e moshës nuk kishte qenë asnjëherë një pengesë për dashurinë e tyre.

Çifti u surprizua nga një video-mesazh nga fëmijët, nipërit dhe mbesat ku i uronin jetë të gjatë dhe ishprehnin dashurinë.

(d.a/dosja.al)

LEAVE A REPLY

Please enter your comment!
Please enter your name here