E njohim si aktor, por Mevlan Shanaj ka studiuar për mjekësi dhe ka punuar në spital

0
69

Sot ka qenë i ftuar në emisionin “Historia ime”, një artist shumë dimensional, një figurë e mirënjohur e kinematografisë shqiptare, të cilin ndër vite e kemi parë të japë kontributin e tij artistik në kinema dhe televizion, si aktor, regjisor, skenarist dhe producent të projekteve artistike.

Bëhet fjalë për Mevlan Shanën, një intelektual i palodhur i cili nuk ka reshtur asnjëherë së eksploruari dhe së punuari në fushën e artit. Gjatë intervistës me moderatoren Mirela Milori ai ka treguar se ka studiuar për mjekësi dhe e ka ushtruar profesionin për dy vite në spital. Vazhdon ta pëlqejë ende këtë profesion dhe shpesh herë mendon që ka bërë një budallallëk që e ka lënë.

Mirela Milori: Ju njoh si aktor, por ju fillesat i keni pasur në një politeknikë mjekësore. Keni studiuar për mjekësi?

Mevlan Shanaj: Në atë kohë kishte shkolla profesionale 4-vjeçare të profileve të ndryshme dhe unë isha në mjekësi, 4 vite.

Mirela Milori: E ke ushtruar profesionin?

Mevlan Shanaj: Dy vjet në spitalin e Patosit.

Mirela Milori: Të pëlqente?

Mevlan Shanaj: Më pëlqen edhe sot. Madje pak vonë tani që duke sikur kam mësuar nga jeta, nga jeta nuk mëson dot kurrë dhe këtë e kam kapur si pikën më delikate të njeriut. Çfarëdo lloj profesioni që të kesh, ndihesh i paplotësuar, egoist. Në art thuhet që ky egoizëm është edhe më i zhvilluar, por unë nuk mendoj se ka një profesionist që nuk është egoist.

Dikur i kam thënë miqve të mi që i kam ruajtur marrëdhëniet e shkëlqyera, çfarë budallallëku kam bërë që ika nga mjekësia. Ata më thanë që jo ne të kemi zili ty që u bëre kështu, kështu. Por mjekësinë e kam dashur dhe e dua se është profesioni që ne trokasim kur kemi nevojë.

Mirela Milori: Do fitonim një mjek të mirë, por më mirë që fituam juve si artist, si aktor, si protagonist i mendimit intelektual.

LEAVE A REPLY

Please enter your comment!
Please enter your name here