“Është vërtetë e shëmtuar”, Shakohoxha flet hapur, tregon çfarë nuk e duron dot te emisionet sportive

0
144

Komentatori i sportit Dritan Shakohoxha ishte mbrëmjen e djeshme i ftuar në “Soirée” për të folur, por edhe për të festuar për Euro 2020. Përballë moderatoreve të sportit, Shakohoxha foli edhe në lidhje me emisionet që janë të shumta këtë periudhë që analizojnë ndeshjet e Europianit.

Ai nënvizoi se nuk i pëlqen aspak që në emisionet sportive ftohen politikanë duke e konsideruar të shëmtuar këtë fakt.

“Një gjë që realisht nuk më pëlqen tek të gjithë programet është që befas sheh edhe xhiron e politikanëve. Është vërtet e shëmtuar. Na kanë nxirë jetën gjithë vitin dhe befas flasin edhe për futboll. Nuk mendoj se është gjë e mirë që të jenë edhe në festë.

Me gjithë respektin që mund të kem për të gjithë politikanët. Kjo pjesa e sportit është pjesa e festës. Në programet që kam bërë unë, nuk kam ftuar politikanë. Tani jam në një program që nuk e bëj unë dhe ka politikanë. Nuk më pelqen sepse mendoj se një përqindje shumë e madhe e njerëzve janë të lodhur dhe të mërzitur nga politikanë, nuk është se janë pjesa më e bukur e shoqërisë”, tha Shakohoxha./faxweb

LEAVE A REPLY

Please enter your comment!
Please enter your name here