Misteri i vajzës së zhdukur pas aksidentit në Kroaci, familjarët: Nuk është as në spital

0
136

Familjarët e një vajze e cila ishte e përfshirë në aksidentin tragjik në Kroaci ku humbën jetën 10 kosovarë, nuk po dinë asgjë për fatin e saj.

Djali i xhaxhai së Anjezës, Burim Bellanica, ka thënë se nuk kanë ndonjë informacion se ku ndodhet ajo pasi që nuk po gjendet as në spital.

“Zyrtarisht nuk kemi ndonjë informacion. Vëllai është nisë prej Austrisë edhe ka mbërri aty në spital, kur ka pyetur , kanë thanë që nuk kemi pacient me këtë emër. Është nisë edhe daja i saj prej Kosovës, ka mbërri mirëpo nuk po e lajnë me hy brenda. Kemi thirr në spitalin e Zagrebit, mirëpo ajo paciente është prej Gjakovës, nuk është Anjeza.”, ka thënë ai në RTK.

Drejtoria e Mbrojtjes Civile në Ministrinë e Mbrojtjes së Kroacisë ka publikuar një numër telefoni ku mund të merren informacione rreth pasagjerëve kosovarë që u aksidentuan këtë të diel.
Zëvendëskryeministri kroat Davor Bozinoviç ka thënë se në këtë numër: “00 385 35 201 111” qytetarët mund të kontaktojnë për të marrë informacione.

Po ashtu Ministria e Punëve të Brendshme në Kosovë ka bërë të ditur se qytetarët që kanë nevojë për informata rreth situatës apo gjendjes së familjarëve të tyre të aksidentuar në Kroaci mund të kontaktojnë në numrin +383 (0) 38 200 76 000. /abcnews.al/

LEAVE A REPLY

Please enter your comment!
Please enter your name here