Basha pro ardhjes se Afganeve në Shqiperi: Detyrim dhe përgjegjësi

0
57

Kryedemokrati thekson se si anëtarë të NATO-s, Shqipërisë i lindin të drejta dhe detyrime, dhe një nga këto detyrime qëndron në faktin për të qëndruar pranë aleatit tonë strategjik të ShBA-ve.

reagon për situatën në Afganistan dhe vendimit të qeverisë shqiptare për të pranuar kërkesën e SHBA për strehimin e afganëve, që punonin për qeverinë amerikane.

Basha shprehet gjithashtu se Shqipëria duhet të bëjë pjesën e saj në proporcion me kushtet dhe mundësitë për strehimin e disidentëve afganë.

Reagimi i Bashës:

Si anëtare e NATO-s, Shqipëria gëzon të drejta dhe detyrime. Nga këto detyrime lindin përgjegjësitë për të qëndruar pranë partnerit tonë strategjik SHBA dhe aleatëve tanë në zgjidhjen e krizës humanitare që po precipiton në Afganistan. Shqipëria duhet të bëjë, ashtu sikurse e kemi bërë më parë, pjesën e saj, në proporcion me kushtet dhe mundësitë tona. Empatia dhe solidariteti kundrejt atyre që kanë luftuar për të krijuar një rend demokratik në Afganistan, nuk mund të mungojë.

Rreziqet mbi identitetin tonë kombëtar, si pasojë e shpopullimit të Shqipërisë, nuk lindin si pasojë e zgjidhjeve strategjike në kuadër të NATO-s dhe bashkëpunimit strategjik me SHBA, por për shkak të keqqeverisjes së pakicës që e ka bërë vendin të pajetueshëm për qytetarët. Sikurse është detyra jonë të jemi në lartësinë e angazhimeve ndërkombëtare, është po ashtu detyra jonë të jemi në lartësinë e sfidave që ka Shqipëria, për të patur një qeveri që punon për njerëzit dhe mbështet aspiratat e tyre legjitime për të jetuar me dinjitet dhe mirëqenie në vendin e tyre.

LEAVE A REPLY

Please enter your comment!
Please enter your name here